Тарих ва ҳақиқат ортидаги масъулият: “Матлаи саъдайн” мисолида
Abstract
Ушбу мақолада тарихни фақат ўтмиш воқеаларининг хронологик баёни сифатида эмас, балки инсон тафаккурининг ҳақиқатни англаш ва сақлашга қаратилган маънавий-ахлоқий фаолияти сифатида талқин қилиш масаласи ёритилган. Абдурраззоқ Самарқандийнинг “Матлаи саъдайн ва маҷмаъи баҳрайн” асари мисолида тарихий манбанинг фалсафий мазмуни, муаллифнинг тарихий ҳақиқатга содиқлиги ҳамда тарихчи шахсининг маънавий масъулияти таҳлил қилинган. Асарда тарихий воқеалар орқали жамият, ҳокимият ва шахс ўртасидаги муносабатлар, сабаб-оқибат боғлиқлиги ҳамда тарихий билишнинг фалсафий жиҳатлари очиб берилган. Мақолада “Матлаи саъдайн”нинг тарих ва маънавият уйғунлигини акс эттирувчи нодир манба сифатидаги илмий-методологик аҳамияти асослаб берилган.
Калит сўзлар: Тарихий ҳақиқат, тарих фалсафаси, маънавий масъулият, тарихий манба, Абдурраззоқ Самарқандий, “Матлаи саъдайн”.
