O'zbekistonning eng yangi tarixi: tarixiy xotira va yangi davr islohotlari ahamiyati

Annotatsiya

Ushbu maqolada O‘zbekistonning eng yangi tarixi va mustaqillik yillarida amalga oshirilgan siyosiy, iqtisodiy, ijtimoiy hamda ma’naviy islohotlarning mazmun-mohiyati tahlil qilinadi. Davlat mustaqilligi e’lon qilinganidan keyingi davrda konstitutsiyaviy tuzumning shakllanishi, iqtisodiyotni bosqichma-bosqich modernizatsiya qilish, ta’lim tizimini tubdan yangilash kabi strategik yo‘nalishlarning milliy taraqqiyotga ta’siri yoritiladi. Shuningdek, “Yangi O‘zbekiston” konsepsiyasi doirasida amalga oshirilayotgan keng ko‘lamli islohotlarning mazmuni hamda ularning jamiyat hayoti va yoshlar tarbiyasidagi o‘rni tahlil etiladi. Maqolada tarixiy xotirani mustahkamlash, milliy o‘zlikni anglashni rivojlantirish, tarixiy obidalar va ilmiy merosni tiklash bo‘yicha amalga oshirilgan ishlar yoritilib, eng yangi tarixning yosh avlod ijtimoiy ongini shakllantirishdagi ahamiyati ochib beriladi. Ushbu tadqiqot O‘zbekistonning zamonaviy taraqqiyot jarayonlarini anglash va mustaqillik davri tarixining ilmiy asoslarini kuchaytirishga xizmat qiladi.